A Ty.....

Czułość zatopia w Twych oczach... chwyca za rynce
Przytula mocno, niech poczuja noszych serc bicie
A Ty?
Ofiaruj swoja miłość, dej mi jej wiyncej i wiyncej...
Scałuj samotność, wyciep strach, zaczaruj moi życi...

A ja wejda Ci w serce, wtopia się w dusza
Dom uczuć wiela, radość, morze spokoju
Zaleja szczyńszciem rozkoszy, zabiora do raju...
Pocałunki rozmnoża, jak gwiozdki na niebie..

A Ty?
Bydż w moich ramionach i przytul sie do mie..
Nie uciekej już nikaj i .....pszaj mi.





Dej mi kusku
Rybnik dnia..........
Zamkna oczy i widza Ciebie.
Nimaś wtedy daleko...
.........yno blisko tak...
Moga Cie dotknyć i...
... dać kusku prawie..

Śmiejesz do mnie ...czymu??
też przajesz i ...
czujesz tak samo...?
Mozesz dotknyć i...
.... dać mi kusku...

Twoja głowka oparto na moim ramiyniu.
Tak ufno,wierzonco juz..
Twoi szczyńści ....
Czujesz moja siła ...do Ciebie..
...dej mi kusku yno...

Czuja Ciebie tak szwarnom...
i chociaz tak daleko jeżeś..
Tak blisko jednak...bo
w moim sercu kochano..
Dej mi kusku yno...

Moje serce tak piyknie boli..
ono krwawi Tobom yno..
imię Twoi w nim wyryte...
tak słodkie i jego na zawsze....
Dej mi kusku yno..

Nie chca otwiyrac oczu...
bo jeżes .......musza jednak...!!
Rzeknij czy kiedy otworza...
bydziesz jeszcze kochano??..
To dej mi kusku yno....

Przaja Ci... 

Nadchodi maj, miesiac wiosny
czas piekny i radosny
wpuszczymy go do nasego domu
podzielymy se i domy jeszcze komu.

Czorne, biole i kolorowe,
slonskom, spolnom majom mowe.
Mysla ze w kupie zawdy i wszyndzie,
nii bojemy se tego, co u nos byndzie.




Niy bojemy niy bojemy
besto se tak rymujemy

Co Ty jodosz,ze do rymu godosz?

Piykny dzionek dzisio jest
A Tyb witosz sie z nami fest
Przeto lepij bydzie nom
Jak tyż swoi rymy dom

Jo tyz dzis rano wstanol o swicie
i chcym tyn dzionek wypelnic nolerzycie.
Usmiychom se do tych co se smiejom,
a do tych co placzom, probuja byc nadziejom.
(jo to u kogos znod, co tyz bakcyla zjod).

Skończył sie nom łikend długi
te majowe świynto
Trza iść rano do roboty
niych kożdy pamiynto.
Weście sznity i kołoczki
wrażcie je do taszy
potym idzcie do roboty
niych wos szef postraszy.
Żeście dugo wolne mieli
ty sie ino cicho łośmiyj
bele do niydzieli. 



Dziś pochmurny poniydziałek
ciynżke jest stowanie
mało kto sam z rana
przydzie szczególnie rudzianie

Prawie Wszystkie rymowicze w Rudzie siedzicie i
na innych nie spojrzycie



Jakbyś lepij sie przyjrzała,
to bys Józka wnet zejrzała

Tako pjykno dziś pogoda
słońce śwjyci choby w lato
Zrób sie szpacyr niydaleczko
jo tyż ida i moj tato
psa tyż wezna niych sie poloto
słońce dziś swjyci choby złoto


Toś nafuloł coś karlusie
Prawie widza to inaczy
Rymowianki czytosz tu sie
Co je Ruda tyż łonacy.




Jo żech przoloz choć gospodorz
Inksze tu klimaty woli
Toż se dziwia tym co godosz
Myślołch - Rybnik Ruda smoli

Wiela mosz "żarliwych" tukej?
W rudzke forum se pokukej
"Nijakimi" dlo Cia wszyscy?
Coś fałszywie w rymach piszczy

Profil zaś niy forum przeca
Choć z jednego prawie neca
I promocjo linkym dowo
Kuknij na tyn - rośnie zdrowo
http://nasza-klasa.pl/profile/12399465

Rachuj myńszych tyż sztyrysta
Jak tańcujesz w Rudzie twista
Toż wiersz dej tam co dziyń jedyn
Niy łod świynta czy kejnedy.

 



Ogloszynie

Skuli gibkiego wyjazdu do onkla w Reihu sprzedom drapko:
wertiko na wysoki glanc, szrank z trzyma dźwiyrzami,
szeslong odwanckowany, dwa ligistule,
sztyry gardinsztangi, gramofon na kurbla,
jedyn kromlojchter na świczki, dwa zicherongi
i sztyry byrny przyndzione, cyja,
landszaft zagraniczny, blumsztynder z myrtami,
jedna donica ze sznitlochym,
bifyj z szuflodami na nici, durszlag na nudle,
pół funta hawerfloków, stryknadle, heknadle,
zicherki, tolszery, kartofel – presa,
cwitry, maszynka na gychaktes,
biksa po magiwyrflach, topfkracer,
flaszenpucer, szpangi do włosów,
śranczek na szczewiki, fyrlok, ausgus,
trzi kokotki, badywana, waszbret,
kohlkastla, hok z mesingowym gryfym,
bratruła, żdżadło, klajdsztynder z pelcmantlym
i hutym, hozyntregle, spodnioki bez rostfleków,
trzy pory fuzekli sztrykowanych i posztopowanych,
sześć bindrów na gumie, kiecka z krałzkami,
modny cwiter z golfym, ślubny anzug z kulami na mole,
szczewiki z wysokim kromflekiem, abzace,
dwa oberhymdy z ibrycznym kraglym,
holcbajn, kryka, ryczka z nachtopem,
gybis po fatrze, szkrobione taszyntuchy,
bigelbred, złote załośniczki z gizlokami,
brołtbiksa, kloper, ślinzuchy na kurbla,
szuflodka na cwist i knefle, bigle heklowane,
lojfry, tepich, krałzy, sześć kompotzislów,
dwie szolki, trzi kible, waszpek, aszynbecher,
śmiotek i szipa, sebuwacz, modro tinta,
sztyry blaje, szlojder od bajtla, sztrajhejcle,
pół funta preswusztu, kranc leberwusztu,
trzi krupnioki, żymlok, modro kapusta,
hefty, buchy i pukeltasia łod cery,
galoty po opie, fojercojg, blank nowe lacie,
nec na dauerwela, portmanyj,
taszka i brele po omie.
Wszistko to idzie łobejrzeć łod ćmy do ćmy
u Grejty Harboł, Frynszita kole Kochłowic,
ulica Kyncka numer łoziem.
Przelyźć bez ajnfart kole hasioka do hinterhauzu.
Fórtka na kecie.
Pozór! Gelynder złomany!



Pamiyntej o tym

Chocioż Cie życie wysłało w świat
i kilometrow dzieli Cie szmat,
Pamiyntej o tym..
Czy w Ameryce, w Niymcach, czy w Rusi,
dobrym człowiekiym dycko być musisz,
boś je Ślonzokiym..
Czy Ci sie w życiu dobrze ukłodo,
czy los Ci czasym noga podkłodo
i mosz kłopoty....
Chocioż niy zawsze som złote gory
i tyż na niebie som czasym chmury,
chyć sie roboty....
Bo Tyś to z mlykiym matki wycyckoł
i w sercu siedzieć bydzie Ci dycko,
żeś je Ślonzokiym...
Bo tyś je twardy jak wonglo bryła,
i do roboty mosz wielko siyła,
yno... zostoń Ślonzokiym.
 
Bo Ślonzok niy wyciepnie,
Ślonzok niy wydo,
bo Ślonzokowi sie wszystko przido.
I choć mu to potym w doma zawodzo
i se wto niyroz wdepnie,
richtik Ślonzok niczego niy wyciepnie.







Ślonski jynzyk - jak my kejś godali.

Lata tymu mieli my metalowe miski i tygliki,
we biksach trzimali my sicherki i szpyndliki,
do krałzów zbiyrali my bonte knefliki,
na babki godali my starki, na dziadków starziki.
Łone były dziołchy, my byli chopcami
taki to boł podział miyndzy nami,
dziołchy mieli dugie wosy, chopcy krótkie i szajtle
a łogólnie godało sie na nos bajtle.
Bombony to mieli my kopalnioki
na kere godali my tyż szkloki,
przyndza i nici mioł kożdy w doma
sztopfnadla i hyknadla miała kożdo Oma.
Matki sztrikowały nom mycki, glazyje i zoki
co lepszo hyklowała szajbki, gardiny i boki.
Fuzekle sie wtedy jeszcze sztopowało,
mydłym ze gruby mył kożdy swoji ciało.
Gardiny my szpanowali u ciotki Eriki
po żur my łazili do starki Mariki.

Choć godka sie zmiynio, niekierych słów już niy ma
to Hanys tukej miyszko już łod pokolynia
ta ziymia toż przez wieki zawsze naszo była
Ślonsk łostanie Ślonskym - w tym jest Jego siła!






Uwe i Willi

Uwe i Willi w jednym familoku zyli,
Uwe na wjyrchu a Willi na dole.
Uwe spokojny njy wadziol zodnymu,
Willi larmowol chocby w stodole.
To hund, to hazok, ciepol w nich ryczkami,
Ryczol i wrzeszczol i durch trzaskol drzwiami.
Znerwowol sie Uwe i zlazi do niego,
I godo: Willi, jo njy strzimia tego!
A Willi na to: Co komu do jemu, co jemu do komu,
Ty pieronski gizdzie jo jest u sie w domu!
Nazajutrz Willi na szeslongu chrapie,
A tu mu z gipsdeki cos na kichol kapie.
Zerwol sie z szeslonga i leci na gora,
Klup, klup. Zawarte. Filuje bez dziura.
''Herr Jesus'' co widzi, colko izba w wodzie,
A Uwe ze wyndkom siedzi na komodzie.
''Was machst du, Uwe?'' - ''Fisze sobie lowie''
''Ale Uwe, dyc mie kapie po gowie''
A Uwe na to: Co komu do jemu, co jemu do komu,
Ty pieronski gizdzie jo jest u sie w domu....





Murzinek Bambo

w Afryce mjyszko Bambo, Murzinek
Blank czorny, maly lukaty synek.
Czorno mo matka, lojca czornego,
Ujka i ciotka, dziadka i....kozdego.
Mo pjykno chalpa, by jom zbudowac
Trza miec patyki, deski i trowa.
Bo przeca lepszy chalpy njy trzeba
Jak sie rok caly hyc leje z nieba.
Beztoz to nage som Afrykony
I malo kery je loblecony.
Beztoz fest sie uszporujom
Bo czopek, mantli...nic njy kupujom.

Bambo Murzinek to mondry synek...
I njy mo w szkole samych jedynek.
Bo sie mondrosci wklodo do gowy
W swyj afrykanski szkole ze trowy.
W szkole ty njy ma lawek, tablicy,
I gimnastyczny sali do cwiczyn.
Tam wszyscy afrykanske szkolorze
Majom sie od nos troszyczko gorzyj
Bo brak im heftow, taszy z ksionzkami
Beztoz po piosku piszom palcami
Choc skuli tego tyz fajnie majom
Bo jym nic do dom njy zadowajom!

Jak juz Murzinki w szkole god majom
To przerwa robiom i sie sniodajom.
Ale njy majom tasz ze sznitami
Ani sklepiku ze koloczkami.
Godny Murzinek sie w las zaleci
By sie na drzewie fest pomaszkycic.
Moze sie urwac figi, daktyle
Lub po banany na drzewo wylyzc.
A jak go suszy to zamiast Coli
Na fest sie wielko palma wgramoli.
Kaj sie napije bardzo zdrowego
Mlyczka z lozecha kokosowego.

My tu na Slonsku czy tam daleko,
Za siodmom gorom, za siodmom rzekom.
Mjeszakjom ludzie kozdy w swym domu
I to njy wadzi przeca nikomu.
Ze jedyn jy kolocz a inny daktyle
Pomysl sie o tym chociaz przez chwile......




Pjyrwy -

We Mechtalu bolo zycie,
roz pisali tak w gazecie,
jak Mechtale z Karfikami,
sie walyli sztachetami.

We Mechtalu bolo wszysko,
Lody Dittrich, Kino, Disco,
Haderloki, Kartoflorze,
Bajtle boly durch na dworze.

We Mechtalu na odpuscie,
przi kerchowie siedziol hahor,
dostol dycha do koszyka,
co jom przepjol u Szpincyka.

We Mechtalu bolo zycie,
jak robjyli swiniobicie,
preswoszt, szinka, lyberwoszt,
zymlok, krupniok szol na roszt.

We Mechtalu u Szpincyka,
bolo piwo do gornika,
do haharow i pijokow,
i do ludzi z familikow.
_________________



Lokomotywa

Jest na banhowie ciynszko maszyna,
Rubo jak kachlok - njy limuzyna,
Stoji i dycho, parsko i zipie,
A hajer jeszcze w nia wongiel sypie.

W pjyrszym siedzialy sie dwa Hanysy,
Jedyn kudlaty a drugi lysy.
Prawie do siebie nic njy godali,
Bo sie do kupy jeszcze njy znali.

W drugym jechala banda Goroli,
Wjyzli ze sobom krzinka jaboli,
I pelne kofry samych preswosztow,
I kabanine prosciutko z rusztu.
Pili i zarli, jeszcze spjywali,
Potym bez lokno wszyscy zigali.

W czeciym Cygany, Zydy, Araby,
A w czwortym jechaly zas same baby.
W piontym zas Ruski, ci mieli zycie!
Sasza lozarty siedziol na tricie.
Gwiozdy na czopce, stargane lachy,
krziwiol pycholym i ciepol machy.
A w szostym zas boly same armaty,
Co je wachowol jakis puklaty.

W siodmym dwa szranki, pufy, wertikol,
Smyczy maszyna moze donikond.
Jak przejyzdzali bez Slonske Piekary,
Kaj wom to robiom kolka do kary,
Maszyna sztopla! Kofry slecialy,
I kozdy lotol jak pogupialy.

To jakis ciucmok i lajza!
Ciupnol i slimtol na glajzach.
Mog isc do hajzla abo do lasa,
Njy pokazywac tego mamlasa!
Potym mu ale do szmat nakopali,
Maszyna ruszola, cug jechol dali.
Bez pola, lasy, gory, tunele,
Dar za sobom samym te duperele.
Az sie zagrzoly te bjydne glajzy,
Maszyna sztopla, i koniec jazdy....





Lyki
Prziszoł Józik roz z roboty
jakiś chory, niy swoj.
Seblyk jakla i galoty
i lygo na szeslong.
Nic sie niy chce,
w krziżu krynci,
ani do jedzynio
niymo dzisiej chynci.
Baba cało wylynkano,
niy dowo ji pokoj,
sama niy wiy co sie stało,
co dolygo chłopu?
Jo poleca do aptyki,
spytom aptykorza,
naszykować jaki lyki
dlo ciebie mu koża.
Aptykorz posłuchoł
i nic ji niy pedzioł,
jak mo pomoc jeji chłopu
on już przeca wiedzioł.
Prziszła baba nazod,
lyki dała chłopu,
tyju do popicio
i siadła na boku.
Niy minyła chwila,
obloły go poty,
i naszły go wielki
chynci na gupoty.
Przaje babie, ścisko,
i yno mo mało,
a ona sie dziwi,
co sie chłopu stało?
W końcu uśli razym,
do sia przitulyni,
a rano stanyli
nowo narodzyni.

Po robocie prosto
chłop wloz do aptyki,
niy musi już baba
lotać mu po lyki. 




Barka" Ślonzoka

1. Bog kedyś stanył nad Ślonskiym,
szukoł ludzi, gotowych tu miyszkać,
szanować ziymia, dbać o nia szczerze.

Ref:
Ponboczku, to Tyś wybroł Ślonzokow,
doł żeś gwara, co by godać umieli,
doł żeś wongel, co by robić co mieli,
co by tukej mogli stworzyć swoj dom.

2. Bo Ślonzok, uczciwy człowiek,
do roboty mo rynce dwie zdrowe
i do przocio otwarte mo serce.

3. Ty, potrzebujesz Ślonzokow,
Jejich wiary uczciwyj i szczeryj
I kropli potu przi tyj robocie.

4. Toż, przirzykomy Ci wszyscy:
bronić tyj gwary, tych skarbow ziymi,
bez wszystki lata, do końca życio. 




On tu mo swoj dom

Już gruby nom downo zawrzyli,
bo wongel wywiyźli na wschod,
tak długo tyn Ślonsk nasz grabiyli,
aż biyda nastała i głod.

Toż trzeba nom chodzić na hołda,
nazbiyrać se wonglo na chlyb,
sprzedali na sklep już tyn teryn,
kaj kedyś tyn grubski stoł szyb.

Markety nom same stawiajom:
"Reale", "Kerfury","Oszom",
a do nos roboty niy majom
i Ślonzok, jak dycko, je som.

Toż zbiyro te biksy po piwie
i wiezie ich wozkiym na złom,
on nigdy sie skarżył niy bydzie,
bo przeca on tu mo swoj dom,
bo przeca on tu mo swoj dom. 




Jak zaglondom


Jak zaglondom tak do zadku,
W downe czasy, kajś za siebie,
Serce ścisko sie w człowieku,
Żol mi, Ślonsku, Ciebie.
Kaj podzioły sie te czasy
Z dzieciństwa naszego.
Tamte miasta, wioski nasze,
Jak przipomnia wszystko sobie,
To najbardziyj mi zol...

Tych starych familokow,
Klopsztangi przi hasioku,
Kaj piwko my se pili,
Tych ze fuzbalu szpili.,
Jak starzik, ujec, tata,
Przed laubom grali szkata,
Tych swojskich klimatow
I z chlywika gratow.

Jak pomyśla o tych czasach,
O tych szansach, co ktoś ukrod,
Ktoś nom zabroł przeszłość nasza,
Na sercu je smutno.
Trza zachować, co zostało,
Co sie jeszcze udo.
Tamte miasta, wioski nasze,
Jak przipomnia wszystko sobie,
To najbardziyj mi żol...

Tych starych familokow... 




Ty, Ślonsko Ziymio

Ty, Ślonsko Ziymio, hołdami przikryto,
z wiyrchu zatruto, ze spodku przeryto,
Ty, coś od wiekow wongel nom dowała,
była żeś ciyrpliwo i niy chalałaś.

Ty, jak ta matka, dzieckom jeś przinosisz,
choć luft mosz zatruty, o nic sie niy prosisz,
choć gornicze szkody i wszystko sie wali,
choć zatrute wody, Ty służysz nom dali.

Ale wiela jeszcze dosz rady wytrzimać?
Chynci mosz nojlepsze, ale cudow niyma,
toż czas już najwyższy o ta ziymia zadbać,
muszymy, my wszyscy, do tego sie zabrać.

Jo o to Wos prosza: dbejcie o ta ziymia.
Papior wciep do kosza i ogranicz chymia,
nie zatruwej wody, lasow nie wycinej,
porzondku ucz młodych, sztyjc im przipominej. 




Po pierwsze to nie wiersze
Lecz o Brzechwy wierszach
To zech znod i wom podom
Piere mie smiech jak to godom.





Dej mi kusku
Rybnik dnia..........
Zamkna oczy i widza Ciebie.
Nimaś wtedy daleko...
.........yno blisko tak...
Moga Cie dotknyć i...
... dać kusku prawie..

Śmiejesz do mnie ...czymu??
też przajesz i ...
czujesz tak samo...?
Mozesz dotknyć i...
.... dać mi kusku...

Twoja głowka oparto na moim ramiyniu.
Tak ufno,wierzonco juz..
Twoi szczyńści ....
Czujesz moja siła ...do Ciebie..
...dej mi kusku yno...

Czuja Ciebie tak szwarnom...
i chociaz tak daleko jeżeś..
Tak blisko jednak...bo
w moim sercu kochano..
Dej mi kusku yno...

Moje serce tak piyknie boli..
ono krwawi Tobom yno..
imię Twoi w nim wyryte...
tak słodkie i jego na zawsze....
Dej mi kusku yno..

Nie chca otwiyrac oczu...
bo jeżes .......musza jednak...!!
Rzeknij czy kiedy otworza...
bydziesz jeszcze kochano??..
To dej mi kusku yno.... 





Toś nafuloł coś karlusie
Prawie widza to inaczy
Rymowianki czytosz tu sie
Co je Ruda tyż łonacy.

Jo żech przoloz choć gospodorz
Inksze tu klimaty woli
Toż se dziwia tym co godosz
Myślołch - Rybnik Ruda smoli.




Być skrumny jak róży kwjot
Być szczynśliwy i miłuj śwjat
Bo róża je kwjotkym pjyknego łogrodu
A tyś je synkym ŚLONSKIGO narodu





Slonzok,pierzinsko uparto natura
tam kaj wszyscy usypiom wysoko gora
on Ci wykopie pod tym glemboko dziura 




Ślonzok może i uparty
Ale dusza piykno mo
jest łon szczery i łotwarty
krzywda ludzko wzruszo go .


Som na świecie ludzie dobre,
Som na świecie ludzie złe i tak samo u ślonoków
czorne owce znojdom sie.





Z okazji imienin,
życzę wszystkim Barbórką dużo zdrowia w szczególności.
Niech uśmiech na Waszych twarzach zawsze gości,
a życie nie sprawia trudności.
Niech wiatr pieśń niesie Wam radosną,
abyście zawsze czuły się jak wiosną.
Wśród pachnących kwiatów
i śpiewających ptaków.
Aby motyle na dłoni Wam siadały
i najskrytsze marzenia spełniały.
Aby ptaki po niebie latały
i Waszego szczęścia szukały.
Żeby z Waszych oczu leciały tylko radosne łzy,
tak jak wiosną pachnące bzy.
W trudnych chwilach niech gwiazdy nad Wami czuwają
i właściwą drogę wybrać pozwalają.
One nie pozwolą nigdy Wam zginąć
i żadnego szczęścia ominąć. 



Przemiły uśmiech rozdaje
i spokój zachować się stara
a myśli gdzieś fruną za majem
i pięknem pachnie Barbara

A Basia pozdrowi Basieńkę
w przyjaźni dłoń poda i rękę
każdemu da do pocałowania
bo obie pragną kochania

I Baśka uczucia rozdziela
przez wicher rozwianą ma grzywę
i okiem figlarnie spoziera
gdy inni nań patrzą z podziwem

Z dzieciństwa ze swego podwórka
wspomnienia przywołam z daleka
jak kiedyś górnicza Barbórka
i dziś życzeń rozlała się rzeka 




Mijają dni pracy na kopalni,
Górnicy na szychta chodzą,
Na dole w pocie czoła pracują.
Aż w końcu dzień upragniony,
Za poczciwe wydobywanie węgla,
Świętej Barbary nadchodzi święto.
Barbara patronką jest górników,
Tych, którzy dla wszystkich ludzi węgiel wydobywają,
By w ich domach było ciepło,
By płomienie nie wygasły.
Bo przecież tłumaczyć nie trzeba,
Że górników święto czwartego grudnia,
To właśnie „Barbórka”! 




Dziś górnikom składam w darze,
swe najlepsze pozdrowienia.
Jest to dla mnie dzień szczególny,
bo wspólnie odbieramy życzenia.
Im za trud i ciężką pracę,
zdrowie zostawione pod ziemią.
Za ciepło które mamy w domu,
wszyscy za to ich bardzo cenią.
Zatem wspólnie dziś świętujmy,
zacne święto Barbórkowe.
Wznieśmy toast w ich imieniu,
i wypijmy Nasze zdrowie.
Wszystkim Górnikom Szczęść Boże!